حوار بين اتنين سمعهم تقيل على المحطه

حوار بين اثنين سمعهم ثقييييييييييييل جداً
تخيلوا لو اثنين سمعهم ثـقيل يتكلموا مع بعض!! .ايه اللي ممكن يحصل ؟ تعالوانشوووف.

؟
؟
أثنين مصريين سمعهم ثقيل جداً واقفين على محطة الاتوبيس ودار بينهم الحوار التالي

الأول : الاتوبيس ده بيروح مــصر الجديدة؟

الثاني : على الحديدة !!... ليه انت طالب احسان ؟

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة
الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر
الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة
الثاني : بليلة !! انت شكلك كده جعان
الأول : عيان!!! أي والله .انت باين عليك عيان ..طيب ما تروح للدكتور
الثاني: الحنطور!! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : فطير !!! لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي !!! انت تعرف خالي ؟ ده راجل كبير في السن

الأول : الجن !!! نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه ؟ عايز تولع؟

الأول : أدلع !!! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ، ( يدفعه من القميص) روح اشتغل شغلة تاكل منها عيش

الثاني : خيش !!! والله ده صوف انجليزي

الأول: بنتك زيزي !!! ربنا يخلي...
الثاني : أنتاج محلي !!!! ده مستورد

يمر شاويش من بتوعنا ... يلفت انتباه الحوار، : بتعمل ايه يا جدع منك له!!!

الاتنين: ايوة يا شاويش ...احنا مستنين الأتوبيس

الشاويش :جواسيس !!!! نهاركم مش فايت ....قدامي على القسم بسرعة.
ههههههههههههه

مع انها قديمة
ههههههههه
بس حلوة
تسلم ايدك

هههههههههههههههههههه
لا بجد حلوه
ايوا كدا ورينا المواضيع
عايزك ع طووول تحطى مواضيع وتشغلى المنتدى

باشا يا بيبي كات اخيرا حطيتي موضوع الف مبرووووك عقبال الموضوع الثانى استمري استمري علي كدا موضوع بجد جميل

ميرسي كتييييييير ليكو يا جماعه يارب بس تكون مواضيعي عجبتكو
على فكره النتيجه ف ناس بدات تجيبها كنترول ربنا يستر انا مرعوووووووووووووووووووووووووووبه بجد

ربنا معانا ياااااااااااااااااااارب