طريقه سهله جدا لختم القرآن فى رمضاااان

ازاى نختم القران فى رمضان ؟
كل سنه وانتم الى الله اقرب وكل سنه وانتم للطاعات ادوم وكل سنه وانتم من المعاصى ابعد كل سنه وانتم طيبون فلنبدأ وعاوزكم تركزوا معايا وبحلقلى عينك ...
كل سنه بتدخل رمضان بقلب جامد
وتقول هعمل واسوى .
وكل سنه بتيجى بعد اول اسبوع وتبدء همتك تنزل
واحده... واحده ... واحده
وانت شايفها ومش قادر تعمل حاجه
وكل سنه تقول السنه دى غير كل سنه انا السنه
دى هكسرالدنيا
و.......

ايه رايك بقه ان انت السنه ديه هتكسر الدنيا
بجد وهتعمل اللى مكنتش
قادر تعمله كل سنه
كل سنه بتقول هاختم القرأن وتقف
عند جزء معين منه وتنشغل وتتأخر
بره وتخرج مع اصحابك
والمحصله انك مبتختمش القرأن الا على
الحركرك واللى بيشد حيله اوى
يدوب بيختمه مره واحده



السنه ديه بقه
هنبص للموضوع من منظور مختلف
وهنختم القرأن كله ان شاء الله
تعالوا مع بعض اوريكوا الموضوع بسيط جدا اد ايه
شوف يا سيدى
المصحف 600 صفحه ..صح
(لو مش مصدقنى روح بص فى المصحف بسرعه وتعالى)



ها!! طلع كام؟؟ ..اوك ... تعالى نكمل بقه
المصحف 600 صفحه على 30 يوم بكام يا ريس
يا عم متعقدهاش الحسبه ابسط من كده 600 /
30 = 20 صفحة
شفت سهله ازاى
طيب يعنى فى
اليوم 20 صفحه واحنا عندنا 5 صلوات فى اليوم
يبقى 20 / 5 مظبوط ايوه كده
4 صفحات
يبقى انت لو قريت 4 صفحات بعد كل
صلاه يبقى فى اليوم هتخلص 20صفحه
يعنى فى الشهر هتخلص القرأن مستريح اوى
عايز نصيحتى خاليهم 30 فى اليوم علشان
لو جيت انشغلت فى يوم من
الايام يتعوض فى يوم تانى
طيب الثواب اللي هاتخدوا اد ايه ؟؟
احسب كده معايا
المصحف 30 جزء ,الجزء تقريبا فيه 7000 حرف والحرف ب10
وعلشان
رمضان
هنضرب في 70
يبقى كام ؟؟
30*7000*10*70 = 147000000
147 مليون حسنة ..
يلا قوووم اقرا بقى
استنى لسه مخلصتش كلامى
احنا هنهرج بقه ولا ايه .. انت نسيت اننا فى رمضان
والدال على الخير كفاعله
شوف بقه لو بعت االموضوع ده لكل اصحابك
وختموا القرأن بسببك هيتحسبلك
اجر وثواب اد ايه
ياه ده انت تبقى ختمته كتيييييييييييييير أوى
يالا يا عم شد حيلك
عايزين الناس كلها تختم القرأن السنه دى على ايدك..
*********************************

بجد موصوع راااااااااااااااائع و الكل لو اتبع النظام دا يبقى حلو قوي و الكل هيختم القران اكتر من مره
بجد ميرسي كتييييييييييييييييييير يا عز على التوبيك دا